અખરોટ, કિસમિસ, મગજતરીના બી ને પલાળી રાખવા. મિક્સર જાર માં દહીં, તળેલી ડુંગળી લો.

તેમા પલાળી રાખેલ અખરોટ ને બધું ઉમેરી મીઠું ઉમેરી પીસી લો. પનીર ના ટુકડા ને આ મિશ્રણથી કોટ કરી ૩૦ મિનિટ મેરીનેટ કરવું.

કડાઈમાં તેલ અને ઘી ઉમેરી બધા જ ખડા મસાલા ઉમેરી દો. ચપટી હિંગ, જીરું ઉમેરી આદુ મરચા લસણની પેસ્ટ ઉમેરી સાંતળો.

ટામેટા ડુંગળી ની પેસ્ટ ઉમેરી સાંતળો. મીઠું અને ખાંડ ઉમેરી એક દમ સરસ રીતે પકાવી લો.

તેલ છુંટુ પડતુ જણાય ત્યારબાદ જ પનીર વાળુ મિશ્રણ ઉમેરી બધું જ બરાબર હલાવી લો. ઢાંકી ને ધીમા તાપે ૧૦ મિનિટ થવા દો.

ત્યારબાદ બાકીના બધા જ મસાલા કરી મલાઈ અને કસુરી મેથી ઉમેરી બધું જ બરાબર હલાવી લો. ધીમા તાપે ૨૦-૨૫ મિનિટ થવા દો. ઉપર થી કોથમીર, છીણેલું આદુ, અખરોટ ભભરાવી સર્વ કરવું.

પરાઠા માટે ઘઉં ના લોટમાં ઘી, હીંગ, તલ, જીરું, મીઠું ઉમેરી કઠણ લોટ બાંધી નાના પરાઠા બનાવી લો.

ગરમાગરમ પરાઠા સાથે લાજવાબ અખરોટ અદરકી પનીર ની મજા માણો.