સૌ પ્રથમ કોનૅ ચિપ્સ બનાવવા માટે મકાઈ નો લોટ, મેંદો, તેલ, મીઠું, હળદર, લાલ મરચું, અજમો, સંચળ બધું મિક્સ કરી પૂરી જેવો લોટ બાંધી લો. થોડી વાર રહેવા દો.

તેમાંથી મોટા લુવા સરખા બનાવી પાતળી મોટી પૂરી વણી લો. કાંટાથી કાણાં પાડી ત્રિકોણ કટ કરી લો. ગરમ તેલમાં કડક તળી લો. તેના પર લાલ મરચું, સંચળ ભભરાવી લો.

હવે સુપ બનાવવા માટે ટામેટાં ને એક તપેલીમાં અડધા કટ કરી ખુલ્લા બાફી થોડા ઠરે પછી છાલ કાઢી ક્રશ કરી ગાળી લો.

એક વાસણમાં બટર ગરમ કરો, તેમાં મકાઈ બાફેલી ઉમેરી થોડી સાંતળી લો. પછી તેમાં ટામેટાં નો બનાવેલો પલ્પ, મીઠું, ખાંડ, ફ્રેશ ક્રીમ બધું ઉમેરી થોડી વાર ઉકળવા દો.