प्रथम डाळ व तांदूळ स्वच्छ धुवून 4 तास पाण्यात भिजत घालावे. 4 तासानंतर पाणी काढून टाकावे व मिक्सरमधून डाळ, तांदूळ, आलं, लसूण व हिरवी मिरची घालून बारीक पातळसर वाटून घ्यावे.

वाटलेल्या मिश्रणात बारीक चिरलेला कांदा घालावा.

हिंग, हळद व तिखट घालावे.

मीठ व कोथिंबीर घालावी. मिश्रण एकजीव करून घ्यावे. गॅसवर एक पॅन गरम करायला ठेवावा. त्यावर थोडे तेल घालून पातळसर डोसा पसरवून घ्यावा.

डोसा दोन्ही बाजूंनी खरपूस भाजून घ्यावा.

गरमागरम मुगडाळीचा चिला हिरव्या चटणीबरोबर खायला द्यावे.