સૌ પ્રથમ રાજગરા ના લોટ ને ચાળી લો પછી તેમાં બાફેલા બટાકા ને મેસ કરી નાખી દો અને તેમાં તીખા ની ભૂકી, કોથમીર અને મીઠું નાખી બરાબર મિક્સ કરી લેવાનું અને તેની કણક તૈયાર કરો. થોડીવાર માટે રહેવા દો. કણક ને કઠણ રાખવાનો. જેથી પરાઠા સરસ બનશે. 5-10 મિનિટ માટે રાખી તરતજ પરાઠા વણી ને શેકી લેવાના. જો લોટ ઢીલો પડી જશે તો પરાઠા વણવા માં તકલીફ થશે.

સૂકી ભાજી બનાવા માટે બાફેલા બટાકા ને સમારી લો અને એક પેનમાં તેલ ગરમ કરી તેમાં જીરું અને લીમડાના પાન નાખી વધાર કરો પછી તેમાં આદું, મરચાં અને કાજુ ના કટકા નાખી થોડીવાર સાંતળો પછી બટાકા નાખી અને તેમાં તીખા ની ભૂકી અને મીઠું નાખી બરાબર મિક્સ કરી લેવાનું પછી તેને થોડીવાર માટે રહેવા દો. છેલ્લે તેમાં લીંબુનો રસ અને કોથમીર નાખી દો. અને ગેસ બંધ કરી દો. તૈયાર છે સૂકી ભાજી.

હવે તૈયાર છે ફરાળી થાળી તેને મેં દહીં ચેવડો અને શ્રીખંડ સાથે સર્વ કર્યા છે.