सर्वप्रथम सगळ्या डाळी (मूग, चणा, मसूर, तुर डाळ आणि तांदूळ) स्वच्छ धुवून घ्यावे. त्यानंतर सर्व भाज्या (फुलकोबी, पत्ताकोबी, कांदा, टमाटर आणि कोथिंबीर) सुद्धा स्वच्छ धुवून बारीक चिरून घ्याव्यात.

आता गॅसवर मध्यम आचेवर एका गंजात तूप घालून तूप गरम झाल्यावर त्यामध्ये जीरे घालावे. त्यानंतर त्यात बारीक चिरलेला कांदा घालून कांदा गुलाबी रंगाचा होईपर्यंत परतून घ्यावा.

त्यानंतर त्यात आले-लसूणपेस्ट आणि टमाटर घालून मिक्स करून घ्यावे. साधारणतः 1 ते 2 मिनिटे टमाटर नरम होईपर्यंत शिजवून घ्यावे.

आता त्यात हळद, धणे-जिरेपूड आणि चणा डाळ टाकावी.

आता त्यात तुरीची डाळ, मूग डाळ आणि मसूर डाळ टाकावी.

आता त्यात बारीक चिरलेली फुलकोबी आणि पत्ताकोबी टाकावी.

आता त्यात तांदूळ घालून सर्व साहित्य व्यवस्थित मिक्स करून घ्यावे.

शेवटी तिखट, चवीनुसार मीठ आणि आवश्यकतेनुसार पाणी घालून खिचडी शिजवून घ्यावी.