સૌથી પેહલા ટામેટા અને ડુંગળી ને મોટા મોટા સમારી લો. પછી એક પેન માં જરાક ઘી મૂકી ટામેટા ડુંગળી, લસણ કળી, કાજુ, બદામ, મગજતરિ, આદુ, બાદીયા, મોટો એલચો, ઈલાયચી, લવિંગ બધું જ નાખી અને એક કપ જેટલું પાણી રેડી ચડવા દો.

પછી તજ, લવિંગ અને બાદીયા સિવાય નું બધું મિક્સર મા ક્રશ કરી લો. પછી એ ગ્રેવી ને ગારી લો. એટલે એમાંથી છૂછા નીકળી જશે અને ગ્રેવી લિસ્સી બનશે.

પછી એક પેન માં ઘી અને બટર મૂકી ને ગરમ કરો. એ ગરમ થાય એટલે એમાં હળદર, લાલ મરચું અને લીલાં ધાણા નાખી હલાવી તેમાં પનીર ના પીસ ઉમેરી ને હલાવી દો.

પછી તેમાં તૈયાર કરેલી ગ્રેવી, માવો, ખાંડ અને મીઠું એ બધું ઉમેરી ફુલ ગેસે થવા દો. એ ઉકાળી જાય એટલે એમાં મલય અને વધેલું બટર નાખી સેજ વાર થવા દો. તૈયાર છે આપણું શાક. આ સબ્જી નો સ્વાદ આપણે પરાઠા રોટલી કે નાન સાથે માણી શકીએ છે.