સૌ પ્રથમ મેંદાના લોટમાં મીઠું અને મોણ નાખીને બરાબર મિક્સ કરવું. ત્યારબાદ જરૂર મુજબ પાણી નાખીને રોટલી જેવો લોટ બાંધી લેવો. લોટ કઠણ હશે તો કચોરી બરાબર નહીં બને. લોટને ૩૦ મીનીટ સુધી ઢાંકીને રાખવો. ત્યારબાદ બરાબર કુણવી લેવો.

હવે વટાણા ફોલીને ધોઈ લેવા. ત્યારબાદ તેમાં લીલાં મરચાં, લસણ અને આદુ નાખીને મિક્સરમાં પાણી નાખ્યા વગર ક્રશ કરી લેવાં.

હવે લોટમાંથી લુવા બનાવીને નાની પૂરી વણી તેમાં વટાણાનું પૂરણ મુકીને વાળી લેવી. ફરીથી હળવા હાથે વણી લેવી. આ રીતે બધી કચોરી તૈયાર કરી લેવી.

હવે લોયામાં તેલ ગરમ કરીને કચોરી તળી લેવી. ગેસની આંચ તેજ રાખવી. ધીમી આંચે તળવાથી કચોરી ફાટી જશે.