एका भांड्यात मैदा घ्या व त्यात तूप आणि मीठ घालून चांगले मळून घ्या.

गरजेनुसार पाणी घालून नरम कणिक मळून घ्या.

मळलेल्या पिठाचे गोळे करून घ्या व पीठ ना लावता 3-3 1/2" ची चपाती लाटा.

मिक्सर मध्ये तुरीचे दाणे व वाटाण्याची भरड करून घ्या.

दुसऱ्या बाजूला गॅस वर भांडे ठेवून त्यात तेल घाला. त्यात हिंग, हळद व आलं, मिरची, लसूण ह्याची पेस्ट घालून चांगले परतून करा.

त्यात तुरीचे दाणे व वाटाण्याची भरड घाला व चांगले एकजीव करा. मग त्यात मीठ, साखर व लिंबाचा रस घालून परतून घ्या व एक वाफ काढा. बारीक चिरलेली कोथिंबीर घालून एकत्र करा.

लाटलेल्या चपाती मध्ये सारण भरून सर्व बाजूंनी व्यवस्थित बंद करून घ्या. अशा सर्व लाट्यांचे कचोर्‍या बनवून घ्या

एका कढईमध्ये गरजेनुसार तेल गरम करा. एक एक करून कचोरी त्यात सोडा व सोनेरी रंगाचे होईपर्यंत तळून घ्या

पुदिना व चिंचेच्या चटणी बरोबर गरम गरम सर्व्ह करा.