ત્રણેય દાળ ને ધોઈ અને એક કલાક સુધી પલાળી રાખવી. ફરી હાથેથી ચોળી‌ને ધોઈ લેવી એટલે મગની દાળ ના થોડા ફોતરા નીકળી જશે દાળ માથી પાણી નિતારી લેવું. ટામેટાં મરચાં ડુંગળી ને સમારી લેવા લસણ ને ખમણી લેવું.

કુકરમાં તેલ અને ઘી ગરમ કરવા મૂકવું ગરમ થાય એટલે તેમાં રાઈ મેથી જીરું હિંગ સૂકા લાલ મરચાં નાખી દેવા અને જીણી સમારેલી ડુંગળી નાખી ને સાંતળી લેવી. પછી તેમાં લસણ નાખી દેવું.

પછી તેમાં જીણા સમારેલા ટામેટા લીલાં મરચાં અને મીઠા લીમડાના પાન નાખી હળદર મરચું પાઉડર ધાણાજીરુ અને મીઠું નાખી દેવું.ગ્રેવી ને ૩/૪ મીનીટ સુધી થવા દેવી.

ત્યારબાદ તેમાં દાળ નાખી દેવી અને મિક્સ કરી લેવું.૨/૩ મીનીટ સંતળાવવા દેવી. પછી તેમાં ૧ ગ્લાસ પાણી નાખવું થોડી વાર ઉકળવા દેવી.

Serving બાઉલમાં કાઢી ઉપર કોથમીર નાખી ગાર્નિશ કરીને ગરમ ગરમ સર્વ કરવી.
તો તૈયાર છે મિક્સ દાળ