સૌપ્રથમ સાબુદાણાને ધોઈને સાબુદાણા ડૂબે એટલા જ પાણીમાં ત્રણથી ચાર કલાક માટે પલાળી રાખવા. બટાકાને બાફીને છોલી લેવા. હવે બાફેલા બટાકા ને છીણી લેવા. હવે બટાકા, શિંગદાણાનો ભૂકો, સિંધવ, મીઠું, ખાંડ, લીંબુ, આદુ, મરચા, કરી પત્તા અને લીલા ધાણાને સાબુદાણામાં ઉમેરીને બધું બરાબર હલાવી લેવું.

હવે તૈયાર કરેલા મિશ્રણમાંથી એક સરખા 20 ગોળા બનાવી લેવા. હવે અપ્પે પેનને મીડીયમ તાપે ગરમ કરી એમાં થોડું તેલ ઉમેરીને તૈયાર કરેલા ગોળા એમાં મૂકી દેવા. ઢાંકીને એક બાજુથી ગોલ્ડન બ્રાઉન રંગનું થાય ત્યાં સુધી પકાવી લેવું. હવે એને પલટાવીને ગોલ્ડન બ્રાઉન રંગનું થાય ત્યાં સુધી પકાવવું.