Da farko zaki jika maggi da gishiri da ruwa saiki saka awarar a ciki, saiki zuba mai a kasko ki daura akan wuta in yayi zafi kina daukar awarar kina sakawa cikin man harki gama inta soyu ki juya inta karasa soyuwa ki kwashe.

Saiki gyara attaruhu da albasa da lawashi ki wanke, saiki jajjaga attaruhun ki yanka albasar daban lawashin daban.

Saiki daura kasko kan wuta ki zuba mai kadan ki juye attaruhu da albasar saiki rage wutar tanaci a hankali ke kuka kina juya attaruhun saiki zuba maggi in ya soyu saiki juye awarar nan kici gaba da juyawa tsahon minti 3 zuwa biyar saiki kwashe.

Ki zuba a plate ki dan zuzzuba lawashin nan daya kara kawata awarar.