முதலில் சிக்கனை சுத்தம் செய்து கழுவி வைத்துக் கொள்ளவும், பிறகு சேமியாவை 15 நிமிடம் தண்ணீரில் ஊற வைத்து இட்லி பாத்திரத்தில் வேக வைத்து எடுத்துக் கொள்ளவும், வெங்காயம், மல்லிதழை, புதினா இலை, பச்சைமிளகாய், நறுக்கி கொள்ளவும், பிறகு ஒரு ஜாரில் இஞ்சி, பூண்டு, 3பச்சைமிளகாய், சிறிது மல்லிதழை, சிறிது புதினாஇலை, சேர்த்து அரைத்துக் கொள்ளவும், பிறகு ஒரு கடாயில் எண்ணெய் ஊற்றி காய்ந்ததும் அதில் வெங்காயத்தை போட்டு ப்ரவுன் நிறத்தில் வறுத்து எடுத்துக் கொள்ளவும், பிறகு சிக்கனில் தயிர், அரைத்த இஞ்சி, பூண்டு விழுது,

வறுத்த வெங்காயத்தில் பாதி, பிரியாணி மசாலா, மிளகாய்தூள், மஞ்சள்தூள், சிறிது மல்லிதழை, புதினாஇலை உப்பு, கலந்து 1/2 மணி நேரம் ஊறவைக்கவும்,ஊறியதும் ஒரு கடாயில் சிறிது எண்ணெய் ஊற்றி அதில் பிரியாணி இலை, பட்டை, லவங்கம், ஏலக்காய்,சேர்த்து பொரிந்ததும் அதில் ஊறவைத்த சிக்கனை சேர்க்கவும்,

சிக்கனை நன்கு கிளறி வேகவிடவும், சிக்கன் வெந்ததும் அதில் பச்சைமிளகாய், மீதம் இருகிற வறுத்த வெங்காயம், மல்லிதழை, புதினாஇலை, சேர்த்து கிளறி அதில் சேமியா சேர்த்து நன்கு கிளறி மூடிவைத்து தீயை முழுவதும் குறைத்து 10நிமிடம் வைத்து விடவும், பிறகு எடுத்து பரிமாறவும். சுவையான சேமியா பிரியாணி தயார்...