સૌપ્રથમ લસણ લેવું. લસણને ખાંડણીમાં ખાંડીને લાલ કાશ્મીરી મરચું તેમજ નમક નાખીને ચટણી બનાવી લેવી. ત્યારબાદ બે ત્રણ ચમચા તેલ મૂકીને લસણનો વઘાર કરી લાલ ચટણીની ગ્રેવી તૈયાર કરવી. ત્યારબાદ બધી જ સામગ્રી સુધારી લેવી.

પછી ડુંગળી ઝીણી ઝીણી સમારવી, મરચાં સમારવા, કેપ્સીકમ મરચું સમારવું, ઝીણું ઝીણું ટમેટૂ સમારવું, આદુંને છીણી લેવો, કોથમીર સમારવી પછી બે બટાકા અને વટાણાને બાફી તેને મેશ કરી લેવા.

પછી તેલ ગરમ કરી તેમાં જીરુ, હિંગ મૂકી ડુંગળી તેમજ મરચું, કેપ્સીકમ, આદુ, ટમેટુ વગેરેને થોડી વાર રહેવા દેવું, પછી તેમાં ચટણી, હળદર, નમક સ્વાદ મુજબ ગરમ મસાલો, ચાટ મસાલો, ધાણાજીરું, લીંબુ, ઉમેરીને મિક્સ કરી લેવું.

પછી મેશ કરેલા બટાકા અને વટાણા નાખી મિક્સ કરી મસાલો તૈયાર કરવો.

ત્યારબાદ તવા પર તેલ લગાવીને પાઉને ફ્રાય કરવા પછી તેમાં લસણની ચટણી લગાવવી.

પછી તૈયાર કરેલો મસાલો પાઉં પર લગાવો અને અને સ્પાઈસી કરવા માટે ફરીથી લસણની ચટણી નાખવી.આ રીતે તૈયાર થશે બોમ્બે સ્ટાઇલ પાઉં. જેને ગરમાગરમ સર્વ કરી ને અનેરો સ્વાદ માણો.