સૌ પેહલા મગ ને ધોઈને 3 થી 4 કલાક પલાળી દો.

ત્યારબાદ મગ માંથી પાણી કાઢી મિક્સર જાર માં લઇ તેમાં મરચું,આદુ અને જીરું ઉમેરી પીસી લો. જરૂર પડે તેટલું પાણી મગ પલાડ્યાં હતા એમાંથી જ લઈ લેવું.

બેટર માં મીઠું ઉમેરી મિક્સ કરી લો. 10 થી 15 મિનિટ સાઇડ માં મૂકી દો.

હવે એના માટે ચટણી બનાવવા માટે કઢાઈ માં તેલ લઇ તેમાં રાઈ નાખો રાઈ તતડે પછી એમાં કરી પત્તાં એડ કરી લો.

હવે એમાં ડુંગળી,દાળિયા,મીઠું,આંબલી અને ગોળ ઉમેરી મિક્સ કરી લો.

હવે એમાં ટામેટાં ઉમેરી લો સાથે થોડું પાણી ઉમેરી 2 મિનિટ ઢાંકણ ઢાંકીને શેકાવા દો.

પછી તેમાં કાશ્મીરી લાલ મરચું ઉમેરી 1 મિનિટ શેકી લો. આ થોડું ઠંડુ થાય એટલે મિક્સર માં લઇ થોડા બરફ ના ટુકડા નાખી પીસી લો.

તૈયાર છે ચટણી.

હવે તવો મૂકી ગરમ થાય પછી થોડું પાણી નાખી કપડું ફેરવી 1 ચમચો મગ નું બેટર નાખી ચમચા વડે સ્પ્રેડ કરી લો.

ઉપર થોડું ગોલ્ડન કલર દેખાય થોડો તેલ લગાવી ફોલ્ડ કરી લો.

તૈયાર છે મગ દાલ ઢોસા.