સૌપ્રથમ ગ્રીન બિરયાની બનાવવા માટે રાંધેલો ભાત અને પાલક ફુદીના ની પેસ્ટ તૈયાર કરો.(પાલક અને ફૂદીના ને મિક્સરમાં ક્રશ કરીને પેસ્ટ તૈયાર કરો)

હવે એક કડાઈમાં ઘી ગરમ કરવા મુકો. ત્યારબાદ તેમાં જીરું, તજ લવિંગ, એલચો અને બાદિયા ઉમેરો. ત્યારબાદ તેમાં લાંબા સમારેલા કેપ્સિકમ અને બટેકા અને લીલા આદુ મરચાની પેસ્ટ ઉમેરો. અને થોડીવાર થવા દો.

ત્યારબાદ તેમાં ફણસી અને ગાજર ઉમેરી બધું ચડવા દો. હવે તેમાં પાલક અને ફુદીનાની તૈયાર કરેલી પેસ્ટ ઉમેરો્. બધું બરાબર મિક્સ કર્યા બાદ તેમાં વટાણા ઉમેરવા. અને બધું ૫ થી ૭ મિનિટ માટે ચઢવા દેવું.

ગેસ પર કોલસો ગરમ થવા મૂકો. હવે તેમાં બિરયાની મસાલો મીઠું અને છોલે મસાલો ઉમેરી બરાબર મિક્સ કરવું.

ત્યારબાદ તેમાં રાંધેલો ભાત ઉમેરી બધું હલાવી લેવું. હવે તેમાં વચ્ચે થોડો ખાડો કરી ગરમ કરેલા કોલસાને એક વાટકીમાં મૂકો ત્યારબાદ તેના પર ઘી રેડવુ.

અને ઢાંકણ ઢાંકી પાંચ મિનિટ રહેવા દેવું. ત્યારબાદ તેમાંથી કોલસા વાળી વાટકી બહાર કાઢી લેવી. બરાબર મિક્સ કરવું તો તૈયાર છે ગ્રીન બિરયાની.