આખા ધાણા અને આખા કાળા મરીને ભેગા કરીને મિક્સરમાં અથવા તો ખાંડણીમાં અધકચરા વાટી લેવા.

કંદ ને બરાબર ધોઈ ને તેલ વાળા હાથ કરી ને છાલ ઉતારવી ત્યારબાદ કંદને મીડીયમ સાઇઝની સ્લાઈસમાં કાપી લેવું. સ્લાઈસ બહુ જાડી કે બહુ પાતળી રાખવી નહીં. કંદ કાપતી વખતે હાથમાં તેલ લગાવવું જરૂરી છે કેમકે કંદને કાપવાથી ખંજવાળ આવી શકે.

એક વાસણમાં ચણાનો લોટ, આદુ-મરચા-લસણની પેસ્ટ, હળદર, મીઠું અને બેકિંગ સોડા ઉમેરીને બરાબર મિક્ષ કરી લેવું હવે તેમાં પાણી ઉમેરી બહુ પાતળું નહીં કે બહુ જાડું નહીં એવું મીડીયમ ખીરું બનાવી લેવું. ખીરુ બનાવતી વખતે ધ્યાન રાખવું કે એમાં ગઠ્ઠા ના રહે. વ્હિસ્ક નો ઉપયોગ કરવાથી ખીરુ એકદમ મુલાયમ બને છે.

ગરમાગરમ કંદ પૂરી ચા કે કોફી સાથે પીરસી શકાય. કંદ પૂરી ઉપર ચાટ મસાલો છાંટી ને તળેલા લીલા મરચાં, ટોમેટો સોસ કે ગ્રીન ચટણી સાથે પીરસી શકાય.