સૌ પ્રથમ એક માઇક્રોવેવ પ્રુફ બાઉલ માં
1 ટેબલ ચમચી બારીક સમારેલું લીલું લસણ અથવા સૂકું લસણ,
40 ગ્રામ બટર,
1 બારીક કાપેલું લીલું મરચું,
1 ટી ચમચી બારીક સમારેલા લીલા ધાણા,
1 ટી ચમચી ચીલી ફ્લેક્સ,
1 ટી ચમચી મીક્ષ હર્બ્સ..
લઈને તેને 30સેકન્ડ માટે માઈક્રોવેવ કરી લેવું જેથી બટર પીગળી જાય
અને તેને ચમચી વડે બરોબર મીક્ષ કરી લેવું.

નોંધઃ ઉપરની રીત ગેસ પર કરવા માટે એક જાડા સ્ટીલના બાઉલ માં ઘટકો લઈને ગેસ પર ધીમી આંચે ચમચી વડે હલાવતા જઈ બટર ઓગળે એટલે ગેસ બંધ કરી દેવો. આ રીતે બ્રેડ પર ચોપડવાનું મિશ્રણ તૈયાર કરી લેવું.

હવે બનાવેલા ઘટકોના મિશ્રણ ને એક બ્રેડ ની સ્લાઈઝ લઈ
તેના પર એક સરખું ચોપડી દેવું.
ત્યાર બાદ તેના પર ચીઝ છીણવું.
હવે ફરી છીણેલા ચીઝ પર થોડા થોડા અંતરે બનાવેલ લસણ નું મિશ્રણ છાંટવું.

હવે આ બધાની ઉપર થોડા થોડા અંતરે ટોમેટો સોસ ના ટપકાં મૂકવા.
હવે એક ઢાંકણ વાળી પેન લઈ બનાવેલ બ્રેડ ને તેમાં મૂકીને ઢાંકણ ઢાંકીને ધીમા તાપે ગેસ ને ચાલુ કરી પાંચ મિનિટ માટે ગરમ કરવા મુકો જેથી ચીઝ બરોબર ઓગળી જાય અને બ્રેડ નીચેથી ક્રિસ્પી થઈ જાય.

તો 5 મિનિટ બાદ પેન પરથી ઢાંકણ ખોલીને જોશું તો બ્રેડ પર ચીઝ સરસ મજાનું ઓગળી ગયું હશે ને ઢાંકણ ઉઘડતાની સાથેજ સરસ મજાની ગાર્લિક બ્રેડ ની મહેક પૂરા ઘરમાં પ્રશરી જશે.
તો તૈયાર છે ખૂબજ ટેસ્ટી એક નવા જ અંદાજ માં ગાર્લિક બ્રેડ.