સૌ પ્રથમ તુવેર ના દાણા ને કૂકર માં ૨ વ્હિસ્ટલ વગાડી ને બાફી લેવા.

એક વાત નું ખાસ ધ્યાન રાખશો કે તમે જે કપ ના માપ થી તુવેર ના દાણા લીધા છે એજ કપ ના માપ થી પાણી અને લોટ પણ લેસો. હવે એક કડાઈમાં માં પાણી નાખો. ત્યાર બાદ તેમાં આદુ અને મરચાં ની પેસ્ટ ઉમેરો.

પછી તલ અને ગોળ નાખી ને ગેસ પર તેને ગરમ થવા દો.

થોડું પાણી ગરમ થઇ એટલે તેમાં હળદર, બાફેલા તુવેર ના દાણા અને મીઠું નાખીને મિક્સ કરો.

પાણી હવે બરાબર ઉકળવા લાગે એટલે તેમાં ચોખા નો લોટ ઉમેરો.

ત્યાર બાદ ઘઉં નો લોટ, બાજરી નો લોટ ને બેસન ઉમેરી ને તેને બરાબર મીકસ કરી લો.

વેલણ ની મદદ થી તેને બરાબર મિક્સ કરી લો. જેવી રીતે આપડે ખીચું બનાઇ તે રીતે જ આને પણ મિક્સ કરી લો.

તમે જ્યારે મિક્સ કરો ત્યારે ગેસ ને એકદમ ધીમા તાપે કરી દો. બરાબર મિક્સ થઈ જાય અને લોટ કડાઈ છોડવા લાગે એટલે ગેસ બંધ કરી દો. અને એને ૧૦ મિનિટ સુધી ઢાંકીને રહેવા દો.

૧૦ મિનીટ પછી જ્યારે ઠંડુ પડે ત્યારે હાથ ની હથેળી પર થોડું તેલ લગાવી ને લોટ જેવું મસળી લો. આમ કરવાથી ઢેકરા સરસ પોચા બને છે.

હવે આ લોટ માંથી નાના નાના ગોળ પેડા જેવું બનાઇ ને અને બે હથેળી માં દબાઈ ને પેડા ત્યાર કરી લો.

એક કડાઇ માં તેલ ગરમ કરવા મુકો. તેલ ગરમ થઈ જાય એટલે આ પેડા ને તળી લો. બંને બાજુ થી અને સરસ રીતે તળી લો.

સરસ ગોલ્ડન બ્રાઉન થઇ જાય એટલે એને એક પ્લેટ માં કાઢી લો. અને ગરમાં ગરમ ચા સાથે પીરસો.