સૌ પ્રથમ આખા લીલા મગ ને ૬ થી ૭ કલાક પાણીમાં પલાળી રાખવા. હવે મિક્સર જારમાં આખા મગ, આદુ, મરચાં, લસણ, જીરુ, પાણી જરૂર પ્રમાણે લઈ ક્રશ કરી ચીલાનું ખીરું તૈયાર કરો. તેમાં મીઠું અને હીંગ નાખી બરોબર હલાવી લેવું.

હવે ખમણેલું પનીર, ઝીણા સમારેલ સફરજન, કોથમીર,મેથીની ભાજી, યલો બેલ પેપર, રેડ બેલ પેપર,કોબી, પર્પલ કોબી તૈયાર કરો. હવે પેનમાં ચીલા બનાવવા માટે તૈયાર કરેલ ખીરું પાથરો. તેના પર તૈયાર કરેલ પનીર,સફરજન અને બાકીના બધા ઝીણા સમારેલા શાકભાજી નો 1/2 ભાગ લઈ ચીલા પર ભભરાવો. જરૂર પ્રમાણે તેલ લગાવો.

હવે તવેતાથી પ્રેસ કરો અને નીચેનો ભાગ બરોબર શેકાઈ જાય એટલે ઉંધુ કરી તેલ ચોપડી શેકવા દેવુ. ફરી પાછું છતુ કરી બે મિનિટ નીચેથી પાકવા દો. (આમાં તમારે જેટલા અને જે શાકભાજી ઉમેરવા હોય તે ઉમેરી શકો છો, તેમજ તીખું વધારે જોઈતું હોય તો ઝીણા સમારેલા લીલા મરચાં ઉમેરી શકાય)