સૌ પ્રથમ રવા ને કોરો શેકી લો.બટેતું, ડુંગળી અને લીલું મરચું ઝીણું સમારી લો. વઘાર માટે ની તૈયારી કરો.

હવે એક નોનસ્ટિક પેનમાં તેલ ગરમ કરો અને તેમાં રાઈ નાખો અને રાઇ તતડે એટલે તેમાં અડદ ની દાળ, જીરૂ અને હિંગ ચપટી નાખી મીઠાં લીમડા ના પાન, સમારેલી ડુંગળી અને લીલું મરચું ઉમેરી સાંતળો.

થોડી વાર સંટલાયા પછી તેમાં ઝીણું સમારેલું બટેતું અને વટાણા ઉમેરી બરાબર મિક્સ કરો અને થોડી વાર સાંતળો. મીઠું સ્વાદાનુસાર ઉમેરો.

હવે તેમાં શેકેલો રવો ઉમેરી બરાબર મિક્સ કરો અને થોડી વાર ચલાવતા રહો. હવે તેમાં પાણી ઉમેરી બરાબર મિક્સ કરી ઢાંકણ ઢાંકી ને ૫ મીનીટ માટે ચઢવા દો.

૫ મીનીટ પછી ઢાંકણ ખોલી જોશો તો ખ્યાલ આવશે કે ઉપમા બરાબર ચઢી ગઈ છે. તો હવે તેને ગરમા ગરમ સર્વ કરો. મજા માણો આ નાસ્તા ની....