સૌ પ્રથમ એક તપેલીમાં દૂધ અને દળેલી ખાંડ બંને મિક્સ કરી ધીમા તાપે ૨ મિનીટ માટે ગરમ કરી લો. (વધારે ગરમ નથી કરવાનું, નહીં તો તેની ચાસણી બનવા લાગશે)

હવે, બીજી તપેલીમાં ઘી ને મધ્યમ આંચ પર ૭ થી ૧૦ મિનીટ માટે ગરમ કરી આ ગરમ ઘીને મેંદામાં ઉમેરી લો. પહેલાં ચમચીની મદદથી ત્યારબાદ હાથની વડે ૩ થી ૫ મિનીટ સુધી સારી રીતે મિક્સ કરી લો. (આમ કરવાથી મેંદો હલકો બનશે અને શક્કરપારા એટલા જ સોફ્ટ બનશે)

ત્યારબાદ ગરમ કરેલ ખાંડ અને દૂધનું મિશ્રણ ધીમે ધીમે ઉમેરી કઠણ કણક બાંધી લો. હવે, 1/2કલાક માટે આ કણકને ઢાંકીને રાખો. ત્યારબાદ કણકમાંથી એકસરખા ૪ લૂઆ બનાવીને ૧ સેમી જેટલી જાડી રોટલી વડી તેને ચોરસ કટ કરી એક થાળીમાં કાઢી લો.

એક કડાઈમાં તેલ ગરમ કરી શક્કરપારા ઉમેરી ધીમા તાપે સતત હલાવતા રહીને સોનેરી થાય ત્યાંસુધી તળી લો. તો તૈયાર છે શક્કરપારા.