#imspecial
میرا تعارف کوئی لمبا چوڑا نہیں ایک معمولی سی ہاوس وائف اور دو بیٹوں کی ماں ہوں ۔ شادی سے پہلے بڑے بڑے خواب تھے جاب کرنا چاہتی تھی اور موقع ملا بھی ایم ایس سی کے دورآن ہی کراچی یونیورسٹی اپنے ہی ڈپارٹمنٹ میں جاب کرنے کا مگر فوری شادی اور اکلوتی بہو ہونے کی وجہ سے یہ چانس چھوڑنا پڑا ۔
بعد میں بچوں کی پیدائش اور انکی تربیت میں کب وقت گزر گیا پتہ ہی نہیں چلا انکے بڑے ہونے کے بعد مجھ میں باہر جاکر جاب کرنے کی ہمت اور طاقت نہیں بچی سوچا کچھ تو ایسا کروں کہ میری بھی کچھ پہچان بنے تو شروع کی کوکنگ اور بیکنگ مختلف گروپس میں برانڈز کے کمپٹیشن میں حصہ لینا شروع کیا اور جب مقابلے جیتنے کا آغاز ہوا تو خوشی ہوئی پھر میرا انٹرسٹ ڈشز کی پریزنٹیشن اور فوڈ فوٹوگرافی کی طرف ہوا اور اس کام میں مزا آنے لگا ۔
میں نے کک پیڈ کے پلیٹ فارم سے اپنا پہلا انٹرنیشنل کمپٹیشن جیتا جو ایگ ریسیپی کا تھا وہ لمحہ میرے لیئے بے حد خاص تھا اسکے لیئے کک پیڈ پاکستان کی بے حد شکرگزار ہوں اور سروش کی بھی کہ انہوں نے ہم ہوم بیسڈ ککس کے لیئے یہ شاندار پلیٹ فارم مہیا کیا بہت شکریہ 💗