ચોખાને ધોઈ લો અને ૧૫-૨૦ મિનિટ માટે પાણીમાં પલાળો. ત્યારબાદ પલાળેલા ચોખામાંથી વધારાનું પાણી નિતારી લો.

એક પ્રેશર કૂકરમાં ધીમી આંચ પર તેલ ગરમ કરો. તેમાં તેજ પત્તા, તજ અને લવિંગ નાખોં અને ૩૦ સેકંડ માટે સાંતળો. ડુંગળી નાખી ને થોડી વાર સાંતળો.

તેમાં કેપ્સિમ, ફણસી અને ગાજર ના ટુકડા અને લીલા વટાણા નાખોં.તેને થોડી વાર સુધી સાંતળો

તેમાં પલાળેલા ચોખા, ગરમ મસાલા પાઉડર, હળદર, લાલ મરચું પાઉડર અને મીઠું નાખોં.તેને લગભગ બે મિનિટ માટે સાંતળો.

તેમાં ૧ કપ પાણી નાખોં અને બરાબર મિક્ષ કરો.કૂકરનું ઢાંકણું બંધ કરો અને મધ્યમ આંચ પર ૨ સીટી થાય ત્યાં સુધી પકાવો. ૧-સીટી વાગ્યા પછી તાપને ધીમો કરો અને બીજી સીટી વાગે ત્યાં સુધી પકાવો. ગેસને બંધ કરો.

કૂકરને વરાળ નીકળી જાય ત્યાં સુધી ઠંડુ થવા દો. પછી ઢાંકણું ખોલો અને ધીરેથી એક કાંટા ચમચીથી ભાતને હલાવો. પુલાવને એક બાઉલમાં કાઢો અને તાજાં લીલાં ધાણા થી સજાવો. તૈયાર છે વેજ પુલાવ.