સેવ બનાવવા માટે:
એક પેનમાં પાણી ગરમ કરી તેમાં તેલ અને મીઠું નાખી ઉકાળી લ્યો. પાણી ઉકળી જાય એટલે તેમાં મેંદાની સેવ ઉમેરી 80% બાફી જવા દો. ત્યારબાદ તેને ચારણીમાં નિતારી ઉપરથી ઠંડુ પાણી રેડો. સેવ ઠંડી પડી જાય એટલે તેને દસ મિનિટ પંખામાં સૂકવી ગરમ તેલમાં તળી લ્યો

સોસ બનાવવા માટે:
એક પેનમાં તેલ ગરમ કરી તેમાં લસણ, આદુ, મરચાંને ત્રણ મિનિટ સુધી સાતળો. હવે તેમાં લાલ મરચું પાઉડર, મીઠું, ચપટી ખાંડ, મરી પાઉડર, રેડ ચીલી સોસ, ગ્રીન ચીલી સોસ, સોયાસોસ, અને કોર્ન ફ્લોરની સ્લરી ઉમેરો.

બધું એક સરખું મિક્સ થઈ જાય એટલે તેમાં એક કપ પાણી ઉમેરી જાડુ ઘટ્ટ સોસ જેવું થવા દો. જ્યારે ભેળ બનાવી હોય ત્યારે તેમાં ડુંગળી કોબી ગાજર અને કેપ્સીકમ તથા તળેલી સેવ અને મંચુરિયન ઉમેરી દો.

તૈયાર છે શિયાળામાં મોજ પડી જાય તેવી ગરમા ગરમ મંચુરિયન વાળી ચાઈનીઝ ભેળ.