குடலை வெந்நீர் ஊற்றி சுத்தம் செய்து அலசி குக்கரில் போட்டு தேவையான அளவு உப்பு மஞ்சள் தூள் இஞ்சி பூண்டு விழுது சேர்த்து பத்து விசில் வந்ததும் இறக்கவும் ப்ரஷர் அடங்கியதும் குக்கரை திறந்து தண்ணீரை வடிகட்டி இதே போல சுத்தம் செய்த தலைகறி இஞ்சி பூண்டு விழுது உப்பு மஞ்சள் தூள் சேர்த்து குடல் வேகவைத்த தண்ணீரை ஊற்றி குக்கரை மூடி பத்து விசில் வந்ததும் இறக்கவும்

இரண்டு லிட்டர் தண்ணீர் ஊற்றி கொதிக்கும் போது அதில் ரத்தத்தை ஊற்றவும் ஊற்றியதும் கிளற வேண்டாம் அப்படியே விடவும் ரத்தத்தில் உப்பு இருக்கும் அதனால் எதையும் போடவும் வேண்டாம் பத்து நிமிடம் கழித்து மேல் கசடு எல்லாம் வரும் அதை மெதுவாக எடுத்து விடவும் பின் மெதுவாக திருப்பி விடவும் ஒரு இருபது நிமிடம் நேரம் வரை வேகவிட்டு எடுக்கவும் இது ஈரல் போலவே இருக்கும்

வாணலியில் எண்ணெய் விட்டு சூடானதும் சோம்பு சேர்த்து பொரிய விடவும் பின் நறுக்கிய வெங்காயம் கறிவேப்பிலை பச்சை மிளகாயை சேர்த்து வதக்கவும்

பின் இஞ்சி பூண்டு விழுது சேர்த்து வதக்கவும் (இஞ்சி பூண்டு விழுது இரண்டையும் சேர்த்து விழுதாக அரைத்து குடல் தலை கறி வேகும் போது சிறிதை போட்டு விட்டு பிறகு மீதியை தாளிக்கும் போது போடவும்) பின் மசாலா அரைக்க கொடுத்துள்ள பொருட்களை சிறிது எண்ணெய் விட்டு வதக்கி பின் அரைத்து இதனுடன் சேர்த்து நன்கு கலந்து விடவும் பின் வேகவைத்த குடல் கறி தலை கறி சேர்த்து நன்கு கலந்து விடவும் பின் பத்து பதினைந்து நிமிடம் வரை நன்கு கொதிக்க விடவும்

பின் வேகவைத்து கட் செய்த இரத்தத்தை சேர்க்கவும் பின் தேங்காய் எண்ணெய் விட்டு நன்றாக கிளறி விடவும்

பின் மிளகாய்த்தூள் கரம் மசாலா தூள் மல்லித் தூள் சீரகத்தூள் மிளகுத்தூள் சிக்கன் மசாலா தூள் கறி மசாலா தூள் சேர்த்து தேவையான அளவு உப்பு சேர்த்து நன்கு கலந்து கொதிக்க விடவும் தண்ணீர் எல்லாம் சுண்டி தொக்கு மாதிரி வரும் போது கொத்தமல்லி தழை தூவி இறக்கவும்