தேவையான பொருட்களை எடுத்து வைத்துக் கொள்ளவும்.வெங்காயத்தை நீளவாக்கில் மெல்லியதாகவும், பெரிய துண்டுகளாகவும், நறுக்கவும். கேரட்டை நறுக்கிக் கொள்ளவும். ப.மிளகாயை நீளமாக நறுக்கவும்.

அரிசியை சுத்தம் செய்து தேவையான தண்ணீர் விட்டு அரிசியை 15 நிமிடம் ஊற வைக்கவும்.இஞ்சி, பூண்டு, ப.மிளகாயை அரைத்துக் கொள்ளவும்.

அடுப்பை மிதமான தீயில் வைத்து, குக்கரில், நெய், எண்ணெய் விட்டு காய்ந்ததும், சோம்பு, பட்டை, கிராம்பு, ஏலக்காய், அன்னாசி மொக்கு, போட்டு, வறுத்ததும், அரைத்த விழுதை போட்டு வதக்கவும்.

வதக்கினதும், நீளமாக நறுக்கின வெங்காயம், உப்பு,போட்டதும், பெரிய துண்டுகளாக நறுக்கிய வெங்காயத்தை சேர்த்து வதக்கவும்.

அடுத்து கேரட்டை போட்டு 2 நிமிடம் வதங்கியதும், ஊற வைத்த அரிசியை வடித்து விட்டு போட்டு 1 நிமிடம் பிரட்டவும்.

அடுத்து, அரிசியுடன், பால், தண்ணீர் சேர்த்து, குக்கரை மூடி, 2 விசில் விட்டு வேக விட்டதும், அடுப்பை நிறுத்தி விடவும்.

பிறகு சாதம் உடையாமல் கிளறவும்.

குறிப்பு:- காய்ச்சி ஆறின பால் சேர்த்ததால், சுவை அதிகம். பாலுக்கு பதில் தேங்காய் பால் சேர்க்கலாம்.