સૌપ્રથમ પૌવાને ધોઈને પલાળી લો. હવે બટાકાને છાલ ઉતારી તેના ટુકડા કરીને એક પાણીથી ધોઈને પછી તેને બાફી લો. બાફતી વખતે જરૂર મુજબ મીઠું નાખવું પૌવા માટેના મરચાં ધાણા અને લીંબુ કાપીને તૈયાર કરો.

હવે પૌવા પલળી ગયા છે.તેને એક ચાયણીમાં નાખીને તેનું પાણી નિતારી લો બટાકા પણ બફાઈ ગયા છે.હવે પૌવાનો વઘાર કરી લો.એક નોનસ્ટીક પેનમાં તેલ ગરમ મૂકી તેમાં રાઈ ઉમેરો રાઈ ફૂટવા લાગે પછી તેમાં મીઠા લીમડાના પાન કાપેલા લીલા મરચાં અને હળદર નાખો.

હવે તેમાં બાફેલા બટાકાને ઉમેરો પછી તેમાં બે થી ત્રણ ચમચી જેટલું પાણી ઉમેરો અને નિતારેલા પૌવાને તેમાં ઉમેરો. જરૂર મુજબ મીઠું ખાંડ નાખીને હલાવો.

હવે તેમાં લીંબુનો રસ અને કોથમીર નાખીને તેને બરાબર હલાવીને પછી પાંચથી સાત મિનિટ સુધી ઢાંકીને રહેવા દો.

બટાકા પૌવા બનીને તૈયાર છે. તેને કોથમીર અને દાડમના દાણા નાખીને સર્વ કરો.