அடுப்பில் கடாய் வைத்து எண்ணெய் விட்டு காய்ந்ததும் கடுகு உளுத்தம் பருப்பு, கறிவேப்பிலை, வெந்தயம், சீரகம், பச்சை மிளகாய், சேர்த்து தாளிக்கவும்.

பின் பொடியாக நறுக்கிய வெங்காயம் சேர்த்து வதக்கவும். உப்பு சிறிதளவு சேர்த்து வதக்கவும். பூண்டு பற்களை தட்டி சேர்த்து கொள்ளவும்.

நன்றாக வதங்கியதும்,நறுக்கிய தக்காளி சேர்த்து வதக்கவும். மஞ்சள் தூள், மிளகாய் தூள்,மல்லித்தூள், குழம்பு மிளகாய் தூள்,சேர்க்கவும்.

பின் நன்றாக வதங்கியதும் புளிக்கரைசலை சேர்த்து கொதிக்க விடவும்.சிறிது தண்ணீர் சேர்த்து கொள்ளவும்.உப்பு பார்த்து சேர்த்து கொள்ளவும்.

பின் பொட்டுக்கடலை அல்லது வேர்க்கடலை 2ஸ்பூன் எடுத்து மிக்ஸியில் அரைத்து கொள்ளவும்.

அரைத்த விழுதை சேர்த்து கொதிக்க விடவும்.நன்றாக குழம்பு திக்காக வந்ததும் முட்டையை உடைத்து ஒவ்வொன்றாக ஊற்றவும்.அடுப்பை சிம்மில் வைத்து செய்யவும்.

மிதமான தீயில் வைத்து எண்ணெய் பிரிந்து வந்ததும் இறக்கவும். சுவையான முட்டை கிரேவி தயார்.