સૌ પ્રથમ એક પેનમાં તેલ ગરમ કરી તેમાં 2 સૂકા લાલ મરચાં ને થોડા સાંતળી એક તરફ લઈ લો.(આ મરચાં ગાર્નીશ કરવા માટે ઉપયોગમાં લેવાના છે.)હવે તેલ માં જીરું નાંખી તેને ફૂટવા દો. ત્યારબાદ તેમાં ડુંગળીની પેસ્ટ અને નાની ડુંગળી ઉમેરી બન્ને ને તેલમાં સાંતળી લો.

હવે બધું સંતળાઈ જાય પછી તેમાં ક્રશ કરેલી ટામેટાં ની પ્યોરી ઉમેરી તેને પણ થોડી સાંતળો.હવે પેન ને લીડ થી ઢાંકી 2 મિનિટ માટે ગેસ ની આંચ ધીમી રાખી કુક કરો.

હવે 2 મિનિટ પછી લીડ હતાવશો તો તેલ છૂટું પડ્યું હશે તેનો મતલબ કે આપણી ગ્રેવી કુક થઈ ગઈ છે.હવે તેમાં આપણે તેમાં મોળું દહીં અને પાણી ઉમેરી બધું મિક્સ કરી ફરીથી પેનને લીડથી ઢાંકી 5 થી 7 મિનિટ માટે કુક થવા દઈશું.

હવે 5 થી 7 મિનિટ પછી લીડ હટાવીશું તો તેલ ઉપર આવી ગયું હશે તો હવે આપણે તેમાં ગરમ મસાલો અને લીલા ધાણા ઉમેરી બધું મિક્સ કરી લઈશું. ત્યારબાદ ગેસની આંચ બંધ કરી તેમાં ભાવનગરી ગાંઠિયા ઉમેરી સબ્જીમાં મિક્સ કરીશું.તો તૈયાર છે આપણી રેસિપી ઢાબા સ્ટાઇલ ડુંગળી ગાંઠિયાની સબ્જી.