સૌ પ્રથમ ખાટી છાશ લો અને એની અંદર ચણાનો લોટ નાખી અને બ્લેન્ડર ફેરવી દો એટલે છાશ અને લોટ સરખા મિક્સ થઈ જાય

છાશ ના મિશ્રણ ની અંદર હળદર અને મીઠું નાખી દો.

હવે વઘારની અંદર તેલ અને ઘી બને લઈ ગરમ કરો. હવે એની અંદર રાઈ અને જીરું નાખી દો.

રાઈ અને જીરું તતડી ગયા પછી એની અંદર હિંગ, તજ,લવિંગ,સૂકું મરચું,તમાલ પત્ર, લીમડો બધાએ થી વઘાર કરો.

કઢી તો ખટમીઠી જ સારી લાગે છે પણ જો ખાટી ન લાગે તો એની અંદર તમે લીંબુનો રસ પણ ઉમેરી શકો છો

ઉનાળાની સિઝનમાં કેરીના ગોટલા હોય એ તમે આ કઢી અંદર નાખી દો તો કઢી નો સ્વાદ બમણો થઈ જાય છે

જ્યારે આપણે સફેદ કલરની ખીચડી કરી ત્યારે પીડી કઢી સરસ લાગે છે અને જ્યારે આપણે વઘારેલી ખીચડી ખાય ત્યારે સફેદ કઢી સારી લાગે છે.

હવે સફેદ ખીચડી કેમ બનાવાય એમ રીત તમને જણાવીશું.

સૌ પ્રથમ ચોખા અને મગની દાળ ને લઈ અને સરખું ધોઈ નાખો.

હવે કુકર ની અંદર ચોખા અને મગની ફોતરાવાળી દાળ બંનેને પાણી સાથે નાખી અને સ્વાદ અનુસાર મીઠું નાખો.

ચપટી હિંગ ઉપરથી નાખો અને કુકર ને ખીચડી ચડાવવા માટે બંધ કરી દો.

કુકરમાં સિટી થઈ ગયા બાદ કૂકરને કરવા મૂકી દો અને સર્વિંગ બાઉલમાં કાઢી લો.

ખીચડી સર્વ કરો ત્યારે ઉપરથી થોડીક માત્રામાં ઘી નાખી દેવો.

આ ખીચડી ને તમે અથાણા, દહીં, દૂધ,શાક અને કઢી ગમે તેની સાથે ખાઈ શકો છો