સૌપ્રથમ તુવેર દાળ ને 2 થી 3 વાર પાણી થી ધોઈ ત્યારબાદ કુકર માં પાણી, ચપટી હળદર અને 1 ચમચી તેલ ઉમેરી 3 થી 4 સીટી વાગે ત્યાં સુધી બાફી લો.

હવે એક કડાઈ માં તેલ (4 ચમચી) લો.તેલ ગરમ થાય પછી તેમાં જીરું, હિંગ, સુકા લાલ મરચાં, લીમડાના પાન,લીલા મરચા,ડુંગળી ઉમેરી 3 મિનિટ સુધી સાંતળી લો.

હવે તેમાં હળદર અને મીઠું ઉમેરી મિક્સ કરી ત્યારબાદ તેમાં સમારેલ બટેકા, સરગવો ઉમેરી આંબલી નું પાણી તથા બીજું 1 ગ્લાસ પાણી ઉમેરી ઢાંકીને 10 મિનિટ બટાકા અને સરગવો બરાબર ચડી જ્યાં ત્યાં સુધી મીડીયમ તાપે ચડવી લો.(તમે બટાકા બાફી ને પણ લઈ શકો)

હવે બટાકા અને સરગવો સરસ ચડી જાય પછી તેમાં લાલા મરચું, સાંભર મસાલો, ધાણાજીરું ઉમેરી મિક્સ કરો અને ઢાંકીને ધીમા તાપે 2 મીનિટ ચડવી લો. જેથી મસાલા સરસ મિક્સ થઈ જાય.

હવે છેલ્લે બાફેલી તુવેર દાળ ઉમેરી અન્ય 2 ગ્લાસ પાણી ઉમેરી મિક્સ કરી ધીમા તાપે 10 મિનિટ દાળ ને ઉકાળી લો.

દાળ બરાબર ઉકળી જાય પછી તેમાં ગરમ મસાલો અને કોથમીર ઉમેરી ગરમા ગરમ સાંભર ઈડલી,ઢોંસા કે મેદુ વડા સાથે સર્વ કરો.