ચોખાને ધોઈને 1/2 કલાક માટે પલાળી દો. એક ચમચી તેલ અને ૧ ચમચી ઘી લોયા માં મૂકી તેમાં કાજુ ને રોસ્ટેડ કરી લો. ત્યારબાદ તેમાં બે નંગ ઇલાયચી, ૩ લવિંગ, તમાલપત્ર, આખું જીરૂ,મીઠો લીમડો,નમક, નાખી બધું સતણાય જાય પછી તેમાં પાણી એડ કરો.આ પાણી ઊકણે એટલે તેમાં ચોખા એડ કરો. ચડવા દો, ચોખા આપણે એકદમ ચડવા દેવા નથી.

એક વાટકો મેંદો લઈ તેમાં બેકિંગ પાઉડર,બેકિંગ સોડા,ખાંડ, મીઠું, દહીં મિક્સ કરીને પરોઠા જેવો લોટ બાંધો. લોટ ને આપણે બે કલાકનો રેસ્ટ આપવાનો છે. માટે તે વહેલો બાંધી લેવો.

એક લોયામાં ૨ ચમચી તેલ 1 ચમચી ઘી લઈને ગેસ પર મૂકો. તેમાં ઇલાયચી,લવિંગ, તમાલપત્ર, બાદીયા,તજ,આખું જીરું, મીઠો લીમડો,આખા તીખા, આદુ,મરચાં,હિંગ મુકીને. તેમાં બધા જ વેજિટેબલ્સ સાંતળી લો.

હવે તેમાં બધા જ મસાલા એડ કરો અને ચમચા વડે હલાવતા રહો. પનીર એડ કરો. સરખી રીતે મિક્સ થઈ જાય એટલે તેમાં ગરમ મસાલો કોથમીર દહીં અને મલાઈ એડ કરો.

હવે તેને બરાબર ચડવા દો.

તે ઢાંકી ને ચડે ત્યાં સુધી એક બાજુ આ ભાત થઈ ગયા છે તેને ઓસાવી લો. હવે લોટના ભાખરી થી મોટું ગોયણુ લઈને થાળી જેટલું પરોઠા જેવું જાડું ગોળ વણો. કાચનું બાઉલ એ નીચે ઘી સ્પ્રેડ કરી આ રોટલી તેના પર મૂકો. પેલા વેજીટેબલ ગ્રેવી ઘટ્ટ થઈ ગઈ એટલે ઉતારી લો.

હવે તેમાં પહેલા ભાત, પછી વેજિટેબલ્સ ગ્રેવી તૈયાર કરી છે તે, પાછા ભાત, અને પાછા વેજીટેબલ ગ્રેવી, ઉપર 1 ચમચી ઘી, તેના ઉપર પનીરના ક્યૂબ્સ અને શેકેલા જે કાજુ છે તે આને ફ્રાઈડ અનિયન, લાલ મરચા, અને કોથમીર, ગાર્નિશિંગ કરો.

ફરતા લોટને હાથ વડે પકડી ને પોટલી નું શેપ આપો. ઉપર ધી સ્પ્રેડ કરો.

હવે ઓવનને 180 ડિગ્રી 15 મિનિટ માટે પ્રી હીટ કરો. ત્યારબાદ આ બાઉલ ઓવનમાં બેક કરવા મુકવાનું છે.220 ડિગ્રી તાપમાન પર 25 મિનિટ બેક કરો. ત્યારબાદ તેને ઓવનમાંથી બહાર કાઢી. સર્વ કરવા માટે રેડી કરો.

દાલ મખની અથવા તો દાલ ફ્રાય સાથે પોટલી બિરયાની ખાવાની મજા જ છે.

તૈયાર છે તમારી પોટલી બિરયાની...જે પોટલી ખોલતા જ મસ્ત સુગંધ ફેલાવે છે તેની લિજ્જત છે.