એક વાસણ માં ઘઉં નો લોટ, મીઠું, હળદર, લાલ મરચું, અજમો,મેથી,મિક્ષ કરો અને મધ્યમ કઠણ લોટ બાંધી લો...હવે લોટ પર તેલ ઉમેરો અને લોટ ને મસળી લો...લોટ ને ઢાંકી ને એક બાજુ મૂકી દો..

એક કુકર માં દાળ અને ૩ કપ પાણી મિક્ષ કરો અને બાફી લો..કૂકરમાંથી હવા નીકળી જાય પછી ૨ કપ પાણી અને ટામેટા ઉમેરો અને બ્લેન્ડર વડે દાળ ને પીસી લો..

હવે દાળ વધારવા માટે તપેલી માં તેલ ગરમ કરો અને તેમાં રાઈ નાખો..રાઈ ફૂટે એટલે તેમાં જીરું, હિંગ, લીમડો, સૂકા લાલ મરચા, ઉમેરો... અને હવે પીસેલી દાળ નાખી તેમાં હળદર, ધાણાજીરું, લીલા મરચા, આદુ, મીઠું, લાલ મરચું, ગોળ, સીંગદાણા, મિક્ષ કરો અને મધ્યમ આંચ પર ૫-૬ મિનિટ સુધી ઉકળવા દો...

હવે દાળ નો ગેસ ધીમો કરી દો..હવે બાંધેલા ઢોકળી ના લોટ માંથી એક રોટલી જેટલો લુઓ લો અને કોરા લોટ વડે તેને વણી લો..તેને ૧ ઇંચ જેટલા મોટા ચોરસ ટુકડા માં કાપી લો...આ ટુકડા દાળ માં ઉમેરો..આવી જ રીતે બધા જ લોટ ની ઢોકળી બનાવી દાળ માં ઉમેરો..

દાળ ને બરાબર હલાવો અને ધીમા ગેસ પર ૧૦-૧૫ મિનિટ સુધી ઉકળવા દો વચ્ચે વચ્ચે હલાવતા રહેવું જેથી ઢોકળી નીચે બેસી ના જાય...હવે દાળઢોકળી માં લીંબુ નો રસ અને કોથમીર મિક્ષ કરો અને ગેસ બંધ કરી દો....ગરમ ગરમ દાળઢોકળી પીરસો...