સૌથી પેહલા ૨ કપ લીલા મગ ને સારી રીતે ધોઈ લો. એક કુકર માં મગ માં સેજ મીઠું ઉમેરી ને માં ૭-૮ સીટી મારી ને બાફી લો.. ત્યાં સુધી ચોખા ને સારી રીતે ધોઈ ને પલાળી લો.

મગ બફાઈ જાય ને કુકર માં થી હવા બંધ થાય એટલે. કુકર ખોલી નાખો. ત્યાર બાદ એક કડાઈ માં તેલ ગરમ મુકો ને રાઈ, જીરું, લીલી લીમડી ના પાન ને ચપટી હિંગ નો વઘાર કરો. તેમાં બાફેલા મગ નાખી દો ને જોઈતું પાણી ઉમેરો. તેમાં મીઠું, હળદર, લીંબુ રસ, આદુ- મરચા -લસણ ની પેસ્ટ, ખાંડ નાખો ને ૧ ચમચી લાલ મરચું પાઉડર નાખો

ત્યાં સુધીબીજા ગેસ પર કૂકર માં પલાડેલા ચોખા ને જોઈતું પાણી મીઠું ને સેજ ઘી ઉમેરી ૪ સિટી વગાડો ત્યાં સુધી મગ નું પાણી બળી ને બધા મસાલા સરખા મિક્સ થઇ ગયા હશે એટલે ગેસ બંધ કરી દો મગ તૈયાર છે ને ભાત પણ તૈયાર છે

ત્યાર બાદએક તપેલી માં દહીં લો તેમાં ચણા નો લોટ ઉમેરી ને વલોણી થી વલોવી લો ત્યાર બાદ તેમાં આદુ મરચા ની પેસ્ટ, મીઠું, ખાંડ નાખી ને ઉકાળો એક વઘારીયુ લો તેમાં ઘી, જીરું, રાઈ, હિંગ,લવિંગ, મીઠી લીમડી ના પાન ઉમેરી વઘાર કરી લો ને કળી માં રેડી દો. કઢી તૈયાર છે.

એક વાસણ માં ઘઉં નો લોટ લો ને તેમાં તેલ નું મોણ મીઠું નાખી જોઈતું પાણી ઉમેરી રોટલી નો લોટ બાંધો ને ૧૦ મિનિટ ઢાંકી દો ત્યાર બાદ તેના લુવા બનાવી લો ને રોટલી વણી ને તવા પર સેકી લો સેકેલી રોટલી પર ઘરર લગાવી દો તૈયાર છે રોટલી

હવે એક થાળી માં રોટલી, મગ, ભાત, કઢી ને સલાડ, કેરી ના અથાણાં, લીલી હળદર સાથે પીરસો તો તૈયાર છે ગુજરાતી થાળી ઝટપટ આરોગો