સૌ પ્રથમ એક મોટા બાઉલ માં બેસન ને ગરણી થી ચારી ને ઉમેરો. હવે એક બીજા બાઉલ મા પાણી, લીંબૂ ના ફૂલ, ખાંડ પાઉડર, હળદર, હિંગ અને મીઠું ઉમેરી બરાબર મિક્સ કરી લો.

હવે જે પાણી તૈયાર કર્યું છે તેને બેસન માં થોડું થોડું ઉમેરી વ્હિષ્કર થી હલાવતા જઈ લમ્સ ફ્રી બેટર એકદમ ફ્લોટિંગ બેટર બનાવવાનું છે. હવે આ બેટર ને 5 થી 7 મિનિટ એક જ દિશા મા ફેટવાનું છે જેથી એમાં હવા ભરાય. હવે આ બેટર ને 5 થી 10 મિનિટ ઢાંકણ ઢાંકી ને રેસ્ટ આપો.

તે પછી એક ઢોકડીયા માં પાણી ગરમ કરવા મૂકી દો. ત્યાર બાદ બેટર ને ફરી બરાબર હલાવી તેમાં તેલ અને બેકિંગ સોડા ઉમેરી જે દિશા મા પહેલા ફેટ્યું હતું એ જ દિશા માં ફેટવાનું જ્યાં સુધી બેટર એકદમ સરસ ફૂલી ના જાય. હવે બેટર ને સાઈડ પર રાખીશું.

હવે ખમણ ઢોકળા ની પ્લેટ ને તેલ થી ગ્રીસ કરી લો. હવે બેટર ને ચમચા થી હલાવી તેલ થી ગ્રીસ કરેલી પ્લેટ માં ઉમેરી દો. હવે ઢોકળીયા માં પાણી ગરમ કરવા રાખ્યું હતું તેમાં ખમણ ઢોકળા ની પ્લેટ મૂકી મીડીયમ ગેસ ની ફ્લેમ પર 20 થી 25 મિનિટ સુધી કૂક કરી લો.

હવે 20 થી 25 પછી ખમણ ઢોકળા ને ટૂથ પીક થી ચેક કરી લો કે ઢોકળા બફાયા છે કે નઈ. હવે તેને ઠંડા કરવા મૂકી દો.

હવે વઘાર કરીશું. એની માટે એક પેન માં તેલ ગરમ કરી તેમાં રાઈ અને હિંગ ઉમેરી તતડે એટલે મીઠા લીમડા ના પાન, લીલા મરચાં ના ટુકડા ઉમેરી સોટે કરી લો.

હવે આમાં પાણી, મીઠું અને ખાંડ ઉમેરી બધુ બરાબર મિક્સ કરી તેમાં ઉભરા ના નાના બબલ આવે ત્યાં સુધી કૂક કરી લો. હવે ગેસ બંધ કરી લો.

હવે ઢોકળા ને ચકુ થી મનપસંદ શેપ્ માં કટ કરી લો. હવે થોડો ગરમ વઘાર ને એક એક ખમણ પર રેડવું. જેથી ખમણ ની અંદર સુધી વઘાર ભળી જાય.

હવે આપણા ખમણ ઢોકળા તૈયાર છે સર્વ કરવા માટે. આ ખમણ ઢોકળા પર લીલી કોથમીર ને કોપરા ના છીણ થી ગાર્નિશ કરો.