સૌપ્રથમ ચોખાને બે વખત પાણીથી ધોઈ લેવા. તેના પાણી ઉમેરી બે કલાક પલાળી રાખવા. ઉપર મુજબના બધા શાકભાજી બારીક સમારી લેવા.

કુકરમાં વઘાર માટે તેલ મૂકી તેલ ગરમ થાય એટલે તેમાં તજ લવિંગનો અને સુકા મરચા નો વઘાર કરવો. આદુ-લસણની પેસ્ટ સાંતળવી. લીલી ડુંગળી નાખી થોડી વાર સાંતળો્. બધા શાકભાજી ઉમેરી સ્વાદ મુજબ મીઠું અને હળદર ઉમેરી થોડું પાણી નાખીને બરાબર હલાવી લેવું.

બે સીટી વાગે ત્યાં સુધી ગેસ પર રહેવા દેવું. એક તપેલીમાં પાણી ગરમ મૂકી પાણી ઉકળે એટલે પલાળેલા ચોખા તેમાં ઉમેરી દેવા. તેમાં થોડું મીઠું પણ ઉમેરો. ભાત તૈયાર થઈ જાય એટલે વધારાનું પાણી કાઢી લેવું. ભાત છૂટા રહે તેનું ખાસ ધ્યાન રાખવું.

કુકર ખોલી તેમાં બે ચમચી સોયા સોસ અને ત્રણ ચમચી બિરયાની મસાલો ઉમેરી ભાત પણ ઉમેરી દેવા. ભાત નો દાણો ભાંગે નહીં તે રીતે બધું હલાવી મિકસ કરવું. એક બાઉલમાં તૈયાર થયેલી બિરયાની કાઢી ઉપર બારીક સમારેલી કોથમીર, બારીક સમારેલી લીલી ડુંગળી અને કાજુ બદામ ના પીસ છાંટી સર્વ કરવું. શિયાળામાં ગરમાગરમ બિરયાની ખાવાની ખૂબ જ મજા આવે છે. સાથે સાથે બધા શાકભાજી પણ હોવાથી ખૂબ જ પૌષ્ટિક પણ છે.