સૌ પ્રથમ બંને લોટ ને ચારી ને એક બાઉલ માં લઇ લો. ત્યારબાદ તેમાં ઉપર જણાવેલ બધા મસાલા નાખો (હાજમો હાથ થી મસળી ને નાખવો) અને મિક્સ કરો. હવે તેમાં ઘી નું મોણ અને સમારેલી મેથી ની ભાજી નાખી મિક્સ કરો

હવે પેન માં તેલ ગરમ કરવા મુકો. ચકરી પાડવાના સંચા ને અંદર થી તેલ વડે ગ્રીઝ કરો. હવે તેમાં ચકરી ની જાળી લગાવી, લોટ ભરી, સંચો બંધ કરી એક મોટી થાળી અથવા પ્લાસ્ટિક શીટ ઉપર ચકરી પાડો. તેલ ગરમ થઇ જાય એટલે સ્લો-મીડીયમ ફ્લેમ પર બધી ચકરી વારા ફરથી તળી લો. ચકરી તળતી વખતે તરત હલાવવી નહિ. આછી ગુલાબી થાય પછી ફેરવવી. ગોલ્ડન બ્રોવન થાય તેવી તળી લો.

મેથી માંથી બનાવેલી મેથી ચકરી તૈયાર છે. ઈચ્છા મુજબ પ્લેટિંગ કરો. એરટાઈટ ડબ્બા માં સ્ટોર કરવાથી 15-20 દિવસ સુધી બગડતી નથી. ચા-કોફી સાથે ચકરી ની મજા માણો.