ஒரு கடாயில் நல்லெண்ணெய் ஊற்றி எண்ணெய் காய்ந்த பிறகு ஒரு டீஸ்பூன் சீரகம் சேர்த்து நன்கு பொரிந்த பிறகு சின்ன வெங்காயத்தை சிறிதாக நறுக்கி சேர்த்துக்கொள்ளவேண்டும். வெங்காயம் வதங்கிய பிறகு பச்சை மிளகாயை பொடியாக நறுக்கி சேர்த்து நன்கு வதக்கிக் கொள்ள வேண்டும்.

தேவையான அளவு உப்பு சேர்த்து அதனுடன் இஞ்சி பூண்டு விழுது சேர்த்து அரை டம்ளர் தண்ணீர் சேர்த்துக் கொள்ள வேண்டும்.

அதன் பிறகு மிளகுத்தூள், கரம் மசாலா மற்றும் மல்லித் தூள் சேர்த்துக் கொள்ள வேண்டும்.

பிறகு சீரக தூள் மற்றும் மஞ்சள் தூள் சேர்த்து பச்சை வாடை போகும் வரை நன்கு கொதிக்க விட வேண்டும். கிரேவி தயாராகிய பிறகு சுத்தம் செய்து வைத்துள்ள மூளையை சேர்த்து மூளை வேகும்வரை வைக்கவேண்டும்.

ஒரு புறம் நன்கு வெந்தபிறகு மறுபுறம் மெதுவாக திருப்பி விடவேண்டும். கிரேவி பதம் வரும் வரை வைத்து இறக்கினால் சுவையான ஆட்டு மூளை மிளகு கிரேவி தயார்.