முதலில் தேவையான பொருட்கள் அனைத்தையும் தயாராக எடுத்து வைத்துக் கொள்ளவும். பெரிய வெங்காயம் தக்காளி ஆகியவற்றை பொடியாக நறுக்கி வைத்துக் கொள்ளவும். ஒரு மிக்ஸியில் சின்ன வெங்காயம் பச்சைமிளகாய் மிளகு சீரகம் சோம்பு கருவேப்பிலை கொத்தமல்லி பட்டை கிராம்பு ஏலக்காய் ஆகியவற்றை சேர்த்து கொரகொரப்பாக அரைக்கவும். பின்னர் எலும்பில்லாத கால்கிலோ மட்டனை சிறு துண்டுகளாக நறுக்கி அதையும் மிக்ஸியில் சேர்த்து நன்றாக அரைத்துக் கொள்ளவும்.

இந்த மட்டன் அரைத்த கலவையுடன் கடலை மாவு கருவேப்பிலை கொத்தமல்லி தேவையான அளவுக்கு உப்பு சிறிதளவு கரம் மசாலா1/4 டீஸ்பூன் சேர்த்து நன்றாக கலந்து கொள்ளவும். இதை படத்தில் காட்டியவாறு சிறு சிறு உருண்டைகளாக பிடித்து வைத்துக் கொள்ளவும். பின்னர் பொரிக்க தேவையான அளவு எண்ணெய் ஊற்றி மிதமான தீயில் வைத்து நன்றாக பொன்னிறமாகும் வரை பொரித்து எடுத்து தனியாக வைத்துக்கொள்ளவும். இப்போதுமட்டன் கோலா உருண்டை தயார்.

ஒரு கடாயில் 2 டீஸ்பூன் எண்ணெய் விட்டு காய்ந்ததும் அதில் பொடியாக நறுக்கிய பெரிய வெங்காயம் ஒரு டீஸ்பூன் இஞ்சி பூண்டு விழுது சேர்த்து பச்சை வாசனை போகும் வரை வதக்கவும்.பின்னர் தக்காளி சேர்த்து நன்றாக வதங்கிய பின்பு எடுத்து வைத்துள்ள மசாலா பொருட்கள் உப்பு அனைத்தையும் சேர்த்து நன்றாக வதக்கவும். பின்னர் வெங்காயம் தக்காளி வேகும் அளவிற்கு தேவையான அளவு தண்ணீர் சேர்த்து நன்றாக மூடி போட்டு 6 லிருந்து 8 நிமிடம் எண்ணெய் பிரிந்து வரும் வரை கொதிக்க விடவும். பொரித்த மட்டன் கோலா உருண்டைகளை குழம்புடன் சேர்க்கவும்.

3 லிருந்து 4 நிமிடம் மட்டன் கோலா உருண்டைகளை சேர்த்து வேகவிடவும்.எடுத்து வைத்துள்ள தேங்காய் துண்டுகள் முந்திரி சேர்த்து நன்றாக விழுதாக அரைத்து அதையும் குழம்புடன் சேர்த்து நன்றாக கலந்து கொள்ளவும். ஒரு நிமிடம் மட்டும் நன்றாக கொதித்த பின்பு சிறிதளவு கொத்தமல்லி இலை தூவி பரிமாறவும்.இப்போது சுவையான பாரம்பரியமான மதுரை மட்டன் கோலா உருண்டை குழம்பு தயார். நன்றி. ஹேமலதா கதிர்வேல்.