மைதா மாவுடன் பேக்கிங் சோடா சேர்த்து கலந்து விட்டு பிறகு கெட்டி தயிர்,நெய், ஒரு ஸ்பூன் சர்க்கரை, பால் சேர்த்து நன்றாக(கெட்டியாக) பிசையவும். அதில் துணி போட்டு மூடி வைத்து 10 அல்லது 15 நிமிடங்கள் காத்திருக்கவும்

பிறகு ஒரு பாத்திரத்தில் சர்க்கரை அது மூழ்கும் அளவிற்கு தண்ணீர் சேர்த்து சர்க்கரைப்பாகு ஒரு கம்பி பதத்திற்கு காய்ச்சவும். அதில் ஏலக்காய் மற்றும் குங்குமப்பூ சேர்க்கலாம். சிறிதளவு எலுமிச்சை சாறு சேர்க்கவும்

ஒரு கடாயில் எண்ணெய் ஊற்றி பாதுஷா மாவை சிறு சிறு உருண்டைகளாக உருட்டி நடுவில் உளுந்தவடை போல அழுத்தி எண்ணெயில் இருபுறமும் பொரித்து எடுக்கவும்

சர்க்கரை பாகு சூடாக இருக்கும்போது பொரித்த பாதுசாக்களை அதில் மூன்று அல்லது நான்கு நிமிடம் போட்டு ஊறவைத்து உடனே வேறொரு தட்டிற்கு மாற்றவும்

அதன்மீது பாதாம் முந்திரி பருப்புகளை சேர்த்து அலங்கரிக்கவும்.