வாணலியில் எண்ணெய் விட்டு மல்லி, மிளகு, சோம்பு கல்பாசி,சீரகம், காய்ந்த மிளகாய், கறிவேப்பிலை, பட்டை, கிராம்பு, ஏலக்காய், பிரியாணி இலை,சோம்பு சேர்த்து வதக்கி வாசனை வந்ததும் தேங்காய் துருவல் சேர்த்து வதக்கி எடுத்து ஆற வைக்கவும்.

பிறகு இதனை மிக்ஸியில் அரைத்து எடுத்து வைத்து கொள்ளவும். அதே வாணலியில் எண்ணெய் ஊற்றி பிரியாணி இலை,சோம்பு, பட்டை, கிராம்பு, ஏலக்காய் சேர்த்து வதக்கி வெங்காயம், கறிவேப்பிலை சேர்த்து வதக்கவும்.

இதில் இஞ்சி பூண்டு விழுது சேர்த்து பச்சை வாசனை போக நன்கு வதக்கவும். பிறகு தக்காளி சேர்த்து மஞ்சள் தூள், மிளகாய் தூள், மல்லி தூள், உப்பு சேர்த்து வதக்கி விடவும்.

நன்கு மசித்து வதங்கி வந்த பிறகு கழுவி சுத்தம் செய்த சிக்கனை சேர்த்து கலந்து விட்டு சிக்கன் தண்ணீர் விட்டு வந்த பிறகு கொத்தமல்லி சிறிதளவு தூவி கொள்ளவும்.

இங்கு அரைத்த மசாலாவை ஊற்றி தண்ணீர் ஊற்றி உப்பு, காரம் சரிபார்த்து மூடி வைத்து சிக்கனை வேக வைத்து எடுத்து கொள்ளவும்.

கடைசியாக கொத்தமல்லி இலை தூவி நல்லெண்ணெய் விட்டு இறக்கவும்.