प्रथम भेंडीचे देठ व शेवटचे टोक कापून भेंडीचे दोन आडवे तुकडे करून घ्या. त्या तुकड्यांमध्ये १/४ टीस्पून हळद, १/२ टीस्पून तिखट, मीठ, बेसन घालून थोडं पाणी शिंपडा व मिक्स करा. कढईत तेल घालून त्यावर हे भेंडीचे मिश्रण घालून ५ मिनिटे परता व ताटात काढून घ्या.

त्याच कढईत तेल घालून जीरे, चिरलेला कांदा घालून परता. नंतर त्यात हिरवी मिरची उभे चिर देऊन टाका. आता टोमॅटो प्युरी घाला. धनेजिरे पावडर, तिखट, हळद घालून तेल सुटेपर्यंत परता.
आता दही घालून एकजीव करा. थोडं पाणी घालून झाकण ठेवून शिजवा.

आता भेंडी घालून परता व ७ मिनिटे शिजवा. वरून गरम मसाला, कोथिंबीर घाला. सर्व्ह करा भेंडी मसाला. चपातीबरोबर, भाकरीबरोबर खाऊ शकता.