ફણસી, બેબીકોર્ન, બધા કેપ્સીકમ, ગાજર, એક ટમેટું ને લાંબા કટ કરી લેવા. એક ડુંગળીને ક્યુબ્સ આકારમાં કટ કરી લેવી. લસણ આદુ મરચાની પેસ્ટ બનાવી લેવી. બીજી ડુંગળી અને બીજું ટામેટું એક બાજુ ઝીણા સમારીને રાખી દેવા.

પછી એક પેનમાં ઘી મૂકી ઘી ગરમ થાય એટલે તેમાં બધા વેજીસ ને પાંચ થી સાત મિનિટ સુધી સાતળી ને ક્રંચી બનાવી લેવા. અહીં વેજીસ ને કુક નથી કરવાના.

પછી બધા વેજીસ ને અલગથી કાઢી લેવા. ત્યારબાદ તે જ પેનમાં તેલ મૂકી તેલ ગરમ થાય એટલે જીરું અને આદુ લસણ મરચાની પેસ્ટ થી વઘાર કરવો.

પછી તેમાં ઝીણી સમારેલી ડુંગળી ઉમેરવી ડુંગળી ગોલ્ડન બ્રાઉન થાય એટલે તેમાં ઝીણા સમારેલા ટામેટા ઉમેરી ને મેશ થઈ જવા દેવા. ત્યારબાદ તેમાં બધો મસાલો અને સાથે ટોમેટો કેચઅપ ઉમેરી દેવું.

પછી તેમાં સાંતળેલા વેજીસ ઉમેરી અને બધું મિક્સ કરી લેવું. હવે તૈયાર છે વેજ જાલફ્રેઝી.

વેજ જાલફ્રેઝી ને ગરમા ગરમ કોથમીરથી ગાર્નિશ કરી સર્વ કરવું.