બધા ખાડા મસાલા ને શેકી લો અને પછી તેમાં જ છેલ્લે કાજુ ને પણ શેકી લો.
આ શેકેલા મસાલા ને મિક્સર જાર માં નાખો. અને સાથે લસણ, આદુ, કોથમીર, મલાઈ, હળદર, મીઠું અને ખાંડ બધું નાખીને પીસીલો આ પીસેલું મિશ્રણ એટલે આપણો ફ્રેશ બીરીયાની મસાલો તૈયાર છે.મેં તૈય્યાર મસાલો પણ લીધો છે,

આ મસાલા ને એક મોટા બાઉલ માં લઇ લો તેમાં તળેલી બટેકી નાખો. અને બટેકી ને તેમાં બરાબર રગદોળી દો. આ મસાલા વડી બટેકી ને ૨-૩ કલાક મૂકી રાખવી એટલે મસાલો બટેકી માં ચડી જાય.
હવે બટેકીને મસાલા માંથી કાઢી ને જુદી કરવી વધેલો મસાલો બાઉલ માં રહેવા દેવો.
આ મસાલા માં દહીં અને તળેલી ડુંગળી નાખીને મીક્ષ કરવું. (જો તળેલી ડુંગળી ના હોય તો પણ ચાલે)

હવે એક હાંડી કે કુકર લો. તેમાં ઘી નાખીને ગરમ કરો.તેમાં જીરું અને ટામેટાં ઉમેરી સાંતળો તેમાં બીરીયાની મસાલા- દહીં નું તૈયાર કરેલું મિશ્રણ ઉમેરો.
તે થોડું ગરમ થાય એટલે તેમાં મસાલા વાળી બટેકી નાખી ને થોડી વાર સાંતળવી.
જરૂર મુજબ પાણી ઉમેરવું(ભાત ના માપ મુજબ)
હવે આ કઢાઈ માંથી થોડી બટેકી કાઢી લેવી. અને કઢાઈ માં બાફેલો 1/2 ભાત નું લેયર કરવું તે ભાત પર વધેલી બટેકી નું લેયર કરવું હવે ફરી ભાત નું લેયર કરવું ઉપર ના લેયર પર ૨-૩ ચમચી ઘી અને કાજુ મુકવા.
છેલ્લે કેસરપલાળેલું ઉમેરવું,

આ તૈયાર કરેલ કઢાઈ ને ઢાંકણ કે ડીશ વડે ઢાંકી દો.
ત્યાર બાદ ગેસ પર એક તવી મુકો તેના પર આ કઢાઈ મૂકી ને બીરયાની ને ચડવા દો. જેથી મસાલો દાજી ના જાય.
દસ થી પંદર મિનિટ માં આ બીરીયાની તૈયાર થઇ જશે.સીઝે એટલે હળવે હાથે હલાવી લ્યો
તૈયાર થયેલ બીરીયાની ને એક સર્વિંગ બાઉલ માં કાઢી ને સર્વ કરો.