سب سے پہلے جیلی ہدایات کے مطابق تیار کر کے جمنے کو رکھ دیں۔اسٹربیری پڈنگ بھی ہدایات کے مطابق پکا کے ٹھنڈی کر کے جمنے کو رکھ دیں۔

ساگو دانہ پانی میں پکا کر گلا لیں۔تخم ملنگا اور گوند کتیرا گرم پانی میں بھگو کے رکھ دیں۔

دیگچی میں دو کلو دودھ لیں،پسی الائچی ،چینی ڈالیں اور پکنے کے لئے رکھ دیں۔جب پک کر مقدار میں آدھا ہو جائے تو اس میں کنڈینسینڈ ملک،کریم،پستہ/بادام اور ڈبل روٹی کو چورا کر کے ڈال دیں اور مزید گاڑھا کر کے ایسے ڈبے میں نکالیں کہ جس میں جمنے تک فریز کیا جاسکے۔

اس کے بعد ایک بڑی ڈش میں جو کہ بچنے کی صورت میں دوبارہ فریزر میں رکھی جا سکے اس میں پہلے گوند کتیرا،جیلی کی کیوب،پڈنگ کے ٹکڑے،ساگو دانہ،تخم ملنگا ڈالیں۔

اس کےجمے ہوئے قلفے کے ٹکڑے اوپر ایک کلو فالودہ سویاں ڈالیں اور اوپر جام شیریں ڈالیں۔ اور پیش کریں