લીલા મરચાં ની ચટણી બનાવવા માટે સૌ પ્રથમ મેં મીડીયમ તીખા મરચાં લીધાં છે. હવે તેને ધોઇ કોરા કરી ને એક મિક્સર જાર માં સમારી લીધાં છે. હવે તેમાં કાચા સીંગદાણા, ખાંડ નાખી.

હવે તેમાં મીઠું અને લીંબુનો રસ, આદું નાંખી 3 ચમચી જેટલું પાણી નાખવું. મીઠું અને ખાંડ તમે તમારા સ્વાદ મુજબ ઓછું વધુ કરી શકો છો.

હવે મીક્સર જારનું ઢાંકણ બંધ કરી મિક્સર માં ક્રશ કરી લેવું. તો તૈયાર છે આપણી તીખી, ખાટી અને મીઠી લીલા મરચાં ની ચટણી. આ ચટણી તમે ખાટિયા ઢોકળાં, સમોસા, કચોરી કે ગમે તેની સાથે ખાઈ શકાય છે.