एका खोलगट जाड बुडाच्या पातेल्यात दोन वाट्या पाणी घालून त्यात एक टीस्पून तूप आणि चिमूटभर मीठ घालावे.

पाण्याला उकळी आल्यावर त्यात दोन वाट्या तांदळाचे पीठ घालून चांगले ढवळून मिक्स करुन मग झाकण ठेवून वाफ आणावी. आणि गॅस बंद करुन दहा मिनिटे झाकून ठेवावे.

गरम असतानाच चांगले मळून घ्यावे.

सारण :- 1) कढईत १ टेबलस्पून तूप घालावे. त्यात किसलेला गूळ घालून मंद आचेवर वितळू द्यावा.

2) गूळ पूर्णपणे वितळला की त्यात ओले खोबरे, घालावे हे सर्व मिश्रण एकत्र ढवळत छान कोरडे होईपर्यंत शिजवावे.नंतर त्यामध्ये चारोळी, मनुके व वेलची पूड घालून मिश्रण एकजीव करून घ्यावे.

मोदक बनवण्याची कृती :- 1) मळलेल्या पीठाच्या गोळ्याची वाटी सारख्या आकाराची पारी करुन त्यात गूळ खोबऱ्याचे सारण भरुन पारीला चुन्या पाडत मोदक सगळ्या बाजूंनी बंद करुन घ्यावा.चुन्या जितक्या जास्त मोदक तितकेच सुबक दिसतात...

2) मोदक पात्रात पाणी घालून त्यात एक आडी ठेवावी व त्या आडीवर मोदकांची प्लेट ठेवावी (प्लेट ला थोडंसं तेल लावून त्यावर मोदक ठेवावेत)

3) नंतर मोदकपात्राला झाकण लावून मोदक १५ ते २० मिनिटे वाफवून घ्यावे.

4) मोदकपात्र थोडं थंड झाल्यावर पाण्याचा हात लावून एक एक करून मोदक अलगद बाहेर काढावेत.
5) मोदकांवर साजूक तुप घालून सर्व्ह करावेत..

🙏 🌺गणपती बाप्पा मोरया 🌺🙏