Za a dauki nama a wanke shi sannan a saka akan wuta a saka Albasa da spices da curry sannan a rufe a barshi ya dahu Sosai. Bayan ya dahu Sai a dauko turmi a zuba naman a ciki a daka Sosai har ya daku, Sai a dauko Albasa da attaruhu shima a daka su Sai a zuba akan naman.

A daura Mai a wuta kamar rabin ludayi Sai a zuba Albasa ciki tadan fara soyuwa kadan sai a dauko nama a zuba a ciki a juya sannan a dauko Albasa da attaruhu a zuba akai, Sai a zuba Dankali da carrot a ciki sai a zuba Maggi, curry a jujjuya Sai a zuba ruwa kadan sai a rufe yayi kamar minti biyar amma zan a rage wuta. Idan lokacin ya cika Sai a kashe sannan a dauko Kwan da aka dafa a yanynka sai a zuba a cikin hadin a juya.

Sai a dauko flour da aka kwaba a murza ta tayi fadi Sosai sai a yanka yadda ake so sannan a dauko hadin da akayi na nama ana zubawa a tsakiyar Sai a nado gefen (a kwaba fulawa da Dan kauri ko a kada kwai) a saka a gefen da aka nada (Sabida su hade jikin su kar azo suya ya bude) sai a dinga matsewa da fork

Za zuba mai a wuta da Dan yawa a saka Albasa idan yayi Zafi Sai a dinga zuba meat pie din a ciki ana soyuwa, idan ya soyu zaiyi golden color (a saka wuta kadan don cikin sa ya dahu). Ana ci da juice ko da tea.