ரவையை ஒரு கடாயில் சேர்த்து மிதமான தீயில் வைத்து சிறிது வறுத்து வேறொரு தட்டில் ஆற விடவும்.

அதே கடாயை மீண்டும் அடுப்பில் வைத்து சிறிது நெய் விட்டு காய்ந்த திராட்சையும், முந்திரியையும் வறுத்து அதனை தனியே வேறொரு தட்டில் எடுத்துக் கொள்ளவும்

அதே கடாயில் தண்ணீர் சேர்த்து கொதிக்க விடவும்.

தண்ணீர் கொதித்துக் கொண்டிருக்கும்போது ஒரு கையால் வறுத்து ஆற வைத்த ரவையை சிறிது சிறிதாக சேர்த்து மற்றொரு கையால் கிளறிக் கொண்டே இருக்கவும். கட்டி இல்லாமல் நன்கு கிளறிக் கொண்டே இருக்கவும்.

இரண்டு நிமிடங்கள் கிளறிக் கொண்டே இருக்கவும் இப்போது ரவை வெந்து இருக்கும்.. அதனுடன் சீனியை சேர்த்து கிளறி மிதமான தீயில் 2 நிமிடம் வைக்கவும்

இப்போது ஜீனி நன்கு கரைந்து சுருண்டு வரும்போது சுற்றிலும் பாதி நெய் சேர்த்து கிளறவும்

இப்போது பாலில் கேசரி கலர் பவுடரை கலந்து அதனை ஊற்றவும். மீண்டும் கிளறி மீதி உள்ள நெய்யை சேர்த்து நன்கு கிளறவும்

இறுதியாக வறுத்த முந்திரி, திராட்சையை சேர்த்து கிளறி சூடாகப் பரிமாறவும்