સૌ પ્રથમ ગાજર અને વટાણા ઝીણા સમારેલા પાણીમાં બાફી લો. એક વાટકી બાસમતી ચોખા એક કલાક પલાળી રાખો. એક કલાક બાદ તેમાં મીઠું નાખી ઉકળવા મૂકી દો. ભાત થઈ જાય એટલે ઉતારી અને ઠંડો પાડવા મૂકી દો. અમેરિકન મકાઈ બાફી તેના દાણા કાઢી લો.

ત્યારબાદ એક કડાઈમાં તેલ મૂકી સીંગદાણા અને કાજુ તળી ને રાખી દો. તે કડાઈમા ૨ ચમચા તેલ મૂકી તમાલપત્ર નાંખી પહેલા ફણસી અને કેપ્સીકમ ચડાવી દો ત્યારબાદ વટાણા ગાજર અમેરિકન મકાઈ નાખી થોડી સાંતળી લો. ત્યારબાદ મીઠું,આદુ મરચાની પેસ્ટ, હળદર પાઉડર, નાખી અને ભાત મિક્સ કરી લો. કાજુ અને માંડવી ના દાણા મિક્સ કરો. મિક્સ વેજીટેબલ પુલાવ તૈયાર છે.